Plantun de Prouvènço

Pèr coumpara dos planto d'encò nostre

Minuartia rupestris subsp. rupestris & Aquilegia atrata

Minuartia rupestris subsp. rupestris

Caryophyllaceae

Nom en français : Minuartie des rochers.

Descripcioun :
Lineto renadivo que trachis dins li relarg roucaious d'auto mountagno, pulèu sus cauquié. Rebalo au sòu, li flour soun souleto o groupado pèr dos sus de pecou glandoulous. Li sepalo soun un pau mens longo que li petalo e s'atrovon de la meme loungour que lou fru. Èi la souleto Minuartia emé de fueio en lanço. La subsp. clementei fai de flour un pau mai grosso e de fueio pus estrecho .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. La planto es aparado.

Port : Erbo
Taio : 1 à 5 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1700 à 3000 m
Aparado : Vo
Remarco : Meno aparado
Juliet à avoust

Liò : Roucas - Esboudèu - Tepiero roucaiouso - Roubino de mountagno
Estànci : Subaupen
Couroulougi : Ouroufito-Aupenco
Ref. sc. : Minuartia rupestris subsp. rupestris (Scop.) Schinz & Thell., 1907

Galantino(-negrinello)

Aquilegia atrata

Ranunculaceae

Àutri noum : Aglantino, Gant-de-pastresso, Erbo-de-Nosto-Damo.

Nom en français : Ancolie noirâtre.

Descripcioun :
La galantino-negrinello es uno poulido planto que trachis au nostre subretout en basso mountagno. Pèr la destria de si cousino fau regarda lis estamino dóu dedins que dèvon pas s'acaba en pouncho (un pau redouno-fotò). En mai d'acò aquéstis estamino despasson li petalo de mai de 3 mm. Après li flour soun mai founso e un pau pu pichoto qu'encò de Aquilegia vulgaris. Pensa de coumpara en quichant sus la flècho verdo aqui souto.

Usanço :
Poudèn pensa qu'a li mémi prouprieta que Aquilegia vulgaris.